Cat-1

Cat-2

Cat-3

Cat-4

» » أنا نازل التحرير


يكتبها - أحمد زغلول
-----
من غير كلام كتيير 
أنا نازل التحرير
 ** 
الناس تقول عصابة
والتظاهر دا خطيير
 **
والشرطة ويّا العسكر
شُرفا وبقلب كبير
** 
وكويس كونهم موتوا
شباب طالع مكير
**
 لكن اللى عاوز أقوله
اسكت وأخرس يا "كلب"
**
مش عصابة .. مش عصابة
 دول شباب وطنى بجد
 **
وهمهم هم البلد
مش همهم يكونوا حد
**
 والشرطة ويّا العسكر
عمرهم ما احترموا حد
*****
أو وقفوا للفسااد
وقفة .. رجاااااااال
**
دول كانوا فى عز الثورة
 يمين يمين .. شمال شمال
**
بينفذوا الأوامر
والفساد أصبح جبال
**
وشبابنا اللى استشهدوا
وراحوا فدا الأوطان
**
رفعوا رايات الحق
كلهم كانوا شجعان
**
واللى يمسهم بكلمة
يعيش ويموت جبان
**
يقول لك دول
هيبوظوا .. انتخابات
**
وتليفزيون الدولة كداب
 شغل اشتغالات
**
 التضليل صميم طريقته
مش يتعلم م اللى فات
**
"حسنى" راح
 يبقى أطبل طبعا أنا للى آت
**
فى النهاية بقولها كلمة
اسكت واسمع
 **
الحقيقة باينه يابنى
فى الضلمة بتلمع
**
أخوك يتهان يموت
وانت عينك مش بتدمع
**
بدل ما تسانده بكلمة
بتصدق اللى يخدع
**
أصرخ .. أقول لك ايه
يا ريت كلامى كان بينفع
**
وموت أخوك على ايد جبان
نادى ومين كان بيسمع؟ 
** 
يا مصرى فين شهامتك
 ماتت هىّ كمان ؟ 
**
 لو كنت حقيقى راجل 
يبقى انزل الميدان
«
Next
رسالة أحدث
»
Previous
رسالة أقدم

About the Author المحرر

This is a short description in the author block about the author. You edit it by entering text in the "Biographical Info" field in the user admin panel.

1 Comments

أنا نازل التحرير

Cat-5

Cat-6