كلمات أحمد زغلول
فُرجة .. والفرج خرج
من كل بيوتنا يا عرب
لما إيدينا اتمطوحت واطّوحت
وغيرنا شد على إيديه
قوّم بيوت من الهوا
واحنا كل ما نملكه خلاص هوى
--
دول دنيئة اتجرأت
وحرّقت
اخواتنا واحنا ولا هنا
الفرجة عامة .. ولا غنى
عن كلمتين اتنين تُقال ع الألسنة
يا رب ارحمهم .. وأحنا قاعدين هنا
--
ليه بس نرضى بالهوان
أطفال تموت يا ناس حرام
وميزان العدل كفّته
مالت  .. وعلى الدنيا السلام
--
شايفين ديابة متربصين
مترصصين متلصصين
مستنيين أمّه تقع
لأجل دولتهم تقوم
--

يا ناسنا ما فيه حل تانى
وبلاش كتير مط الأمانى
الوحدة توحد صفنا
الاجتهاد سر الغنى
العلم يرفع شأننا
وبالإيمان فى قلبنا .. نقدر نرجّع حقّنا
--
بلاش حقوقنا تبقى مشاع
نطلب إعانة علشان جياع
الحق لازم تسنده
قوة بدونها .. الحق ضاع

---

إرسال تعليق